MARY SHELLEY en "Remando al viento"

Caricatura de Luis Armas                                

 O grupo de 4º da ESO está a ler Frankenstein ou o moderno Prometeo, a célebre obra da escritora inglesa Mary Shelley.

Nunha primeira sesión achegarémonos á xestación da novela que tan ben recrea a película,"Remando al viento",  do director  e escritor español Gonzalo Suárez.


  
 

Comentamos "Mortos de Ningures"

O pasado xoves tivemos a xuntanza do club co grupo de 1º da ESO para comentarmos a lectura de "Mortos de Ningures". Case non nos chegaron as dúas horas para tanto que tiñamos que falar. Os clubeiros quedaron encantados con esta novela negra ou policial xuvenil.


Repasamos todos os puntos comúns deste tipo de novelas. Os personaxes necesarios: a investigadora Nola e o seu sagaz axudante, o gato Lolo, xunto co contrapunto necesario do Comisario. Os crimes: os asasinatos de ningurenses. As pistas para a resolución do caso: o sangue verde. E, finalmente, o autor ou autores dos crimes e as súas motivacións.

Tamén, comentamos a importancia do espazo na historia. Todures, Ningures e Algures non son simples topónimos escollidos ó chou, senón que agochan  o tema principal da historia. Non todas as vidas teñen o mesmo valor, e, neste caso, as dos ningurenses valen menos.

Os rapaces valoraron moi positivamente a achega das ilustracións de Andrés Meixide e analizamos as distintas perspectivas que adoptou o ilustrador nos debuxos.

"Nós tamén creamos!"

O Xabarín Club abre mañá a súa emisión coas tres curtametraxes gañadoras do concurso “Nós tamén creamos!”, edición 2012. Estade atentos á tvG2 para desfrutar con "A tartaruga que quería durmir", do CPI As Revoltas (Cabana de Bergantiños – A Coruña); "Loboferoz", do CPI Santa Lucía(Moraña– Pontevedra); e con "A máscara do león", do CEIP Felipe de Castro (Noia – A Coruña).